बाहुं सहस्समभिनिम्मित सायुधन्तं,
गिरिमेखलं उदित-होर-ससेनमारं।
दानादि धम्मविधिना जितवा मुनिन्दो,
तं तेजसा भवतु ते जयमङ्गलानि॥1॥
मारातिरेकमभियुज्झित-सब्बरत्तिं,
घोरम्पनालवकमक्खमथद्ध-यक्खं।
खन्ती सुदन्त-विधिना जितवा मुनिन्दो,
तं तेजसा भवतु ते जयमङ्गलानि॥2॥
नालागिरिं जगवरं अतिमत्तभूतं,
दावग्गि-चक्कमसनीव सुदारुणन्तं।
मेत्तम्बुसेक-विधिना जितवा मुनिन्दो,
तं तेजसा भवतु ते जयमङ्गलानि॥3॥
उक्खित्त-खग्गमतिहत्थ-सुदारुणन्तं,
धावन्ति योजन-पथंगुलिमालवन्तं।
इद्धीभिसङ्खतमनो जितवा मुनिन्दो,
तं तेजसा भवतु ते जयमङ्गलानि॥4॥
कत्वान कट्ठमुदरं इव गब्धिनीया,
चिञ्चाय दुट्ठ वचनं जनकाय मज्झे।
सन्तेन सोम विधिना जितवा मुनिन्दो,
तं तेजसा भवतु ते जयमङ्गलानि॥5॥
सच्चं विहाय-मतिसच्चक वादकेतुं,
वादाभिरोपित-मनं अति-अन्धभूतं।
पञ्ञापदीप-जलितो जितवा मुनिन्दो,
तं तेजसा भवतु ते जयमङ्गलानि॥6॥
नन्दोपनन्द-भुजगं विविधं महिद्धिं,
पुत्तेन थेर-भुजगेन दमापयन्तो।
इद्धूपदेस-विधिना जितवा मुनिन्दो,
तं तेजसा भवतु ते जयमङ्गलानि॥7॥
दुग्गाहदिट्ठि-भुजगेन सुदट्ठ-हत्थं,
ब्रह्मं विसुद्धि-जुतिमिद्धि-बकाभिधानं।
ञाणागदेन विधिना जितवा मुनिन्दो,
तं तेजसा भवतु जयमङ्गलानि॥8॥
