|| पाहा पाहा मंजुळा ||
लयास गेली युगायुगाची
हीन दीन अवकळा
पहा पहा मंजुळा हा
माझ्या भीमरायाचा मळा ||
रानमाळ असता भीमाने
देह इथे झिजविला
शिंपडून रक्ताचं पाणी
शिवार हा भिजविलास
बहरली कणसं इमानी
माणसं नाचतो जोंधळा
पहा पहा मंजुळा हा
माझ्या भीमरायाचा मळा ||
त्रिसरणाची झडप तयाला
कुंपण पंचशीला
बुद्धं सरणं मार्ग एक हा
जाण्यासाठी भला
फिटते भ्रांती मिळते शांती
फुलते जीवनकळा
पहा पहा मंजुळा हा माझ्या
भीमरायाचा मळा ||
बोधिवृक्ष हे डुलती
कैसे बांधाबांधावरी
गोड लागते साऊलीत
या जीवनाची भाकरी
मळा हा राखू फळे हि
चाखू झरा बाजूला निळा
पहा पहा मंजुळा हा माझ्या
भीमरायाचा मळा ||
कोल्हेकुई हि कुपाकुपानं
चाले बाहेरून
दुहीचा कुंदा वरती डोके
काढितो आतून
हरेन्द्रासंग धरूया दोघं
हाती एकीचा विळा
पहा पहा मंजुळा हा
माझ्या भीमरायाचा मळा ||
गायक: विठ्ठल उमप
जय भीम! आमचे नवीन लेख आणि माहिती थेट तुमच्या ईमेलवर मिळवण्यासाठी आताच सबस्क्राईब करा.
